Arquivo para a categoría Artigos

Meter un can na casa: azar ou Test de Carácter-Consultorio

No directo de hoxe Mércores, María Sabell explicaranos as ventaxas que ten realizar un Test de carácter antes de meter un can na casa. Recordamos que tamén será consultorio donde podedes resolver tódalas vosas dúbidas.

Será ás 18:00hrs.

Para asitir preme no seguinte enlace:

https://m.facebook.com/events/s/meter-un-perro-en-casa-azar-o-/725542037985540/

Lupa

 

 

2 Comentarios

Aumentou a agresividade? Volver a quedar na casa solo

Mañá mércores ás 18:00 hrs teremos un novo directo e Consultorio Canino.

María Sabell falará da agresividade e dos cambios que se poden dar nesta nova etapa volver a saír da casa.

Tamén responderá a tódalas vosas preguntas.

Para asistir, preme no seguinte enlace:

https://m.facebook.com/events/s/consultorio-aumento-la-agresiv/230403765055582/

DSC_0900

 

Deixar un comentario

Por qué “funciona” , no confinamento, ensinarlle cousas?

O próximo mércores 29 de abril ás 18:00 hrs terá lugar outro directo no Facebook:

“Por qué ‘funciona’, no confinamento, ensinarlle cousas?

María Sabell falará dos beneficios de aprenderlle cousas aos cans e respostará as preguntas que lle plantexedes.

Este é o enlace que debedes premer para asistir: https://m.facebook.com/events/s/respostas-para-o-confinamiento/450613669095129/

Confinamento co meu can

 

Deixar un comentario

Periodo de confinamento co meu can

Qué podo facer para que non se resinta a saúde mental do can neste periodo?
Cómo podo evitar problemas despois? Por exemplo, ansiedade por separación.
Estas son as preguntas da maioría das consultas nestas semanas.Por suposto a receita é individual, pero ata agora aparecen as seguintes respostas en común:

– Evitar a sobreestimulación.
– Deixalo durmir. Non lle fales e non lle toques constantemente.
– Continua as rutinas horarias o máis posible.

Ante isto xorde a seguinte pregunta, qué podo facer co can durante o confinamiento se non pode saír a desafogarse fora?. A resposta vai ir en función do que facías antes e de que can tes, recordando sempre que un can non é o espazo onde vive, senón o tempo de dedicación.
Os puntos en común para responder a esta pregunta pódense dividir en dous tipos de casos básicos:

O primeiro é o caso do can con pouco estimulo cognitivo previo ao confinamiento. A solución neste caso é moi simple: calquera cousa que lle ensines ao can vaino a deixar esgotado.

Aquí é válido tirar de calquera cousa que se pode ver en Internet. A ejecución do can será mellor ou peor, cometerás mais ou menos erros, pero o obxectivo é cansar ao can, e nada cansa máis a un can que “marearlo”. Bromas a parte, cada día sairavos mellor e pasardes un bo intre e ata é posible que che acabe gustando ensinarlle cousas ao can e che apeteza ter un can máis funcional. Si é así perfecto, nada nos gusta máis que os cans que funcionan como cans.

O segundo caso, é o do can que vive habitualmente sobreestimulado cando está coa persoa. Isto é máis complexo, aquí temos que poñernos técnicos: aprendizaxe de anticipación, feed back, reactividade a estímulos externos alta é unha combinatoria que pode ser moi irritante en situación de confinamiento.

Solucións: imposible ningunha receita xeral. Tiven catro consultas así en dous días e cada familia levou a súa receita. Só atopei un punto en común: todos tiñan rutinas horarias. Ao rompelas e non poder satisfacer a anticipación, o nivel de stress subiu polas nubes.

As receitas individuais tardaron ata 72 horas en facer efecto. Algúns xa probaran solucións xerais sacadas de Internet, en todos os casos foron contraproducentes. Qué podemos sacar en conclusión? Aos cans funcionales non lles pasa nada, a capacidade de adaptación é un trazo xenético determinante na estratexia de supervivencia dos cans. Ademais temos tempo,que é o que nos adoita faltar para adestrar aos cans, pois podemos empregalo como os profesionais. Animo a todos a ter cans funcionales. Isto equivale a ter cans en perfecto estado de saúde emocional.

María Sabell Sierra
Especialista en Conducta Animal

Confinamento Coronavirus co can

_____________________

Podedes utilizar os comentarios do Blog para facerlle consultas a María. Tanto sobre os temas que se tratan neste artigo como doutros diferentes. Responderavos persoalmente para que nestes días de pasar tantas horas pechados na casa, a a convivencia e a saúde do noso can sexa a mellor posible.

 

2 Comentarios

Qué pasa se os cans comen carne crúa?

 

Nada, excepto que lles pasa a fame do día.

Os cánidos son biolóxicamente, zoolóxicamente carnívoros.

Os cans levan 40.000 anos, ou máis, cos humanos, aproveitámonos da súa capacidade cazadora para comer carne e eles comezaron a comer hidratos de carbono cando non había outra cousa mellor.

A domesticación supuxo para o canis lupus cambios físicos. O primeiro para consideralos canis familiaris, nas excavacións realizadas, é a aparición da enfermidade periodontal nas mandíbulas, consecuencia de alimentar a un carnívoro con hidratos de carbono.

Os cans son carnívoros, e se comen carne están máis sans, física e emocionalmente (a alimenteación é un dato importante que hai que manexar para facer unha terapia de modificación de conduta).

Entón, de onde sae esta lenda de que se os cans comen carne sen cociñar se “botan á xente”?

Descoñecemento de como funcionan os cans, e de como se transmiten as enfermidades.

A orixe deste tipo de mitos ten dúas compoñentes:

  • A xente tende a considerar que non comete erros no manexo dos cans: se algo non vai ben a culpa é do can, non da persoa.
  • O descoñecemento do proceso de transmisión da rabia, como principal enfermidade transmitida polos cans e mortal ata fai ben pouco.

O noso país é un bo caldo de cultivo de mitos, e este é un máis. Ademáis moi extendido porque unha das nosas características culturais e o seu pouco uso tradicional, estando extendida a costume de ter os cans á cadea para “dar a xente”, os cans fora da vivenda, a pouca convivencia e o pouco coñecemento.

Buscar explicacións do tipo de considerar o consumo de carne crúa como potencial incremento da agresividade tamén se relaciona co feito antropolóxico de que os humanos non somos carnívoros, motivo polo cal rexeitamos a proteína animal crúa, o sangue e as vísceras, as cales non son agradables á vista nin ao olfato dos humanos.

A carne crúa por tanto asóciase ao que os animais non carnívoros , os humanos, consideramos negativo: son agresivos, matan.

Podo darlle ao meu can carne sen cocinar?

Si, un can alimentado con carne, que teña grasa e algo de óso para roer, estará perfectamente ben, terá un pelo brillante, moita enerxía, estará máis tranquilo…

Alimentalo con carne crúa non vai ter ningunha conscuencia negativa, non se vai volver máis agresivo, nen cousa parecida.

Dende logo, se aparece algún problema de agresividade, non vai ter como explicación a alimentación a base de carne sen cociñar.

cans carne crúa

MARÍA SABELL

ESPECIALISTA EN CONDUCTA ANIMAL

Deixar un comentario