Saída Caión – Baldaio

O próximo domingo 4 de marzo iremos á costa do Concello da Laracha. Faremos un recorrido de ida e volta Caión – Baldaio.

O primeiro tramo dende Caión ata a praia da Arnela discorre por unha pista de grava ancha, a cal é apta para tódolos públicos, a segunda parte dende a praia da Arnela a Baldaio vai por un carreiro estreito ao longo da costa.Todo aquel que non poida facer o segundo tramo, pode facer o primeiro e esperar a que o grupo veña de volta para regresar xuntos a Caión.

Ao regreso xantaremos na área recreativa que está enriba da Praia das Salseiras en Caión.

O roteiro ten unha distancia de 11 km e de dificultade baixa.

Organización da saída:

• Punto de encontro:
  • Hipercor de Santiago – porta principal
• Hora de saída:
  • Ás 10:00 hrs.(estaremos 15’ antes para organizar a saída)
• Para participar na saída é imprescindible apuntarse no blog do Club.
  • Data límite: ata o venres 2 de marzo.

____________________________________________

O club Só lles falta falar quere recordar que para asistir ás actividades é preciso ser socio e que o noso can teña realizada a proba do test de carácter. Máis información na web do club.

Qué facer cando perdes/atopas un can?

Qué facer cando atopas un can ?

 Queres ser de axuda cando se atopa un can ?

Qué se debe facer para que a túa axuda sexa realmente eficaz.

Pasos a seguir:

1º  Chama á Policía Local

En tódolos concellos hai un servicio permanente de atención á cidadanía.

2º  Chama á Policía Local

3º Chama á Policía Local

4º Unha vez que xa estamos en contacto debemos dar a seguinte información:

• Se temos collido o can ou se so o vimos
• Descripción física do can

5º Segue as instruccións que che dean

6º Agora si, se queres, podes publicalo nas redes sociais

Qué pasa se non segues estes pasos ?

Ainda que a túa intención sexa boa, provocas, entre outros, estos problemas:

• No caso dos cans que son queridos e buscados, retrasas que volva coa súa familia porque o primeiro que facemos cando perdemos un can é chamar á Policía Local, se ti o atopas e chamas, nuns minutos pódese establecer o contacto.

Este sistema é universal, as redes sociais están limitadas ao teu círculo.

• Cando ‘Só lles falta falar’ está axudando cos rastrexadores a atopar un can, necesitamos avisos directos e rápidos sobre a ubicación donde foi visto, estamos en contacto telefónico directo ca familia do can e cos servicios municipais, se o aviso non é directo, tarda demasiado tempo en chegar a nós e á xente que o está buscando activa e directamente.
• Se colles un can e non das aviso á autoridade, estás cometendo un delito, estás roubando. A familia do can pódeche poñer unha denuncia por roubo e unha demanda por danos.
• Dende o momento que recolles un can e non das aviso, es o responsable civil dos accidentes que ocasione o can.

Qué facer cando perdes un can ?

1º Chama á Policía Local

• Indica o lugar
• Da a descripción do can

2º Se estás fóra da zona urbana e hai risco de que o can deambule por estradas e autoestradas, da o aviso á Garda Civil.

3º Chama a canceiras e refuxios de animais.

4º Agora, podes publicalo nas redes sociais e buscar axuda de amigos e persoas que poidan atopalo.

Que facer cando Atopas_Perdes un Can

Lista de Refuxios e canceiras de Galicia

Saída Serra do Candán – Forcarei

Este domingo 18 de febreiro, buscando a neve, iremos á Serra do Candán no Concello de Forcarei.

A ruta é de dificultade media e dunha distancia de 10 km, non é exactamente a que aparece neste enlace do wikiloc.

https://es.wikiloc.com/rutas-senderismo/testslff-sierra-de-candas-8427353

Organización da saída:

• Punto de encontro:
  • Hipercor de Santiago – porta principal
• Hora de saída:
  • Ás 10:00 hrs.(estaremos 15’ antes para organizar a saída)
• Para participar na saída é imprescindible apuntarse no blog do Club.
  • Data límite: ata o venres 16 de febreiro.

____________________________________________

O club Só lles falta falar quere recordar que para asistir ás actividades é preciso ser socio e que o noso can teña realizada a proba do test de carácter. Máis información na web do club.