Os nosos nenos favoritos – Pronto nos veremos

Dedicado aos nosos amigos de Aspanaes. Pronto volmeremos a disfrutar dos paseos cos cans.

 

Proxecto “Aprendizaxe Coopertiva e cans de Soporte Terapéutico” – Proxecto Erasmus +

Nos cursos 2017/2018 e 2018/2019 viñemos desenvolvendo unhas visitas escolares dentro do programa de aprendizaxe cooperativa que se leva a cabo no colexio de Nuestra Señora del Rosario en Arzúa.

Os resultados son moi bos para tódolos nenos que forman parte da aula.

Aquí vos queda un video co resumo dos traballos realizados.

Grazas ao Colexio de Arzúa por esta iniciativa, a Down Compostela e a tódolos voluntarios de Só lles falta falar por facer posible esta actividade.

Soporte Terapéutico con Down Compostela

Como tódolos mércores os cans de Só lles falta falar e os socios e socias voluntarios que fan posible esta actividade, visitamos aos usuarios da Fundación Down Compostela para realizar traballos de Soporte Terapéutico.

No seguinte video podedes ver unha sesión de psicomotricidade ao aire libre.

 

Un Can na Escola

Ir a escola  debe de ser algo divertido e motivador, debemos aprender xogando. As veces as experiencias educativas non son positivas. Dan medo.  Ter discapacidade non implica non ter unha calidade educativa. O medo, a angustia  e a exclusión debemos  modificalos en experiencias inclusivas e positivas. Por eso  levamos uns meses socializando, educando e preparando un Can de Asistencia para ir á escola coa súa nena. O colexio en cuestión é o CEIP Camiño Inglés de Sigüeiro.

Empezamos a traballar de este xeito porque a presenza do can no día a día da nena axúdalle a manter a calma e  esto permítelle  relacionarse nun entorno normalizado. Este proceso de capacitación  pasa por diferentes fases. A primeira, é a máis doada, incluír o can na rutina familiar. A segunda desfrutar do ocio en familia. A terceira, a adaptación do can a escola. Todo esto repercute na calidade de vida persoal, social, familiar e escolar. O proceso de adestramento do can foi sempre en positivo, no seu entorno e contando coa colaboración inestimable dos socios de “Só lles falta falar” que axudan nas aulas de educación canina, nas saídas,etc..  conseguindo  de xeito natural e espontáneo a verdadeira inclusión.

No proceso de adaptación a escola, axudarase ao profesorado, baixo a supervisión e coordinación da Especialista en Conducta Animal, ademáis de propoñer un programa escolar de contidos didácticos e pedagóxicos; neste  programa; empregaranse  os cans de soporte terapeútico como ferramenta didáctica nas diferentes etapas escolares para que os alumnos motivados alcancen as competencias básicas establecidas no  currículo educativo dun xeito organizado, motivador, práctico e efectivo. Ademáis de dotar de habilidades sociais os nenos promovendo e normalizando a interacción coa conducta natural dos cans fomentando a tenza responsable. Reforzando  a autoestima a nivel persoal dos nenos buscando a motivación para traballar e consensuar unha educación emocional de calidade que reforze o sentimento de pertenza a un grupo.

Dende “Só lles falta falar” creemos que outra forma de traballar é posible. Apostamos por unha inclusión real na escola e na sociedade. Realizar este tipo de programas e de intervencións é posible porque en “Só lles falta falar“ existe unha especialista en conducta animal acreditada coa documentación reglada e formación necesaria para realizar este tipo de intervencións terapéuticas.

Este logro, conséguese grazas aos membros de “Só lles falta falar”,  á Fundación Down Compostela e ao apoio económico da ‘Obra Social La Caixa’ dirixida pola oficina de Caixabank de Sigüeiro.

Outra forma de Convivencia É Posible!

Cans en distintos entornos

Despois de moitos anos facendo actividades con cans, de tipo lúdico, como os roteiros ou de soporte terapéutico, pódeste preguntar se o can que vai ao monte se pode meter nun edificio a traballar con nenos ou viceversa.

Pois no seguinte video, a nosa Especialista en Conduta Animal e a psicóloga destes rapaces explícannos como se relacionan os cans entre eles, como é nesarario que convivan en distintos entornos para poder realizar traballos específicos, como se senten os nenos e os beneficios que lles reportan as actividades cos cans.