Saída polo Tambre-Negreira

E como seguimos con calor, procuramos achegarnos aos ríos.

O próximo domingo 30 de setembro iremos ao Concello de Negreira e percorrer os entornos do río Tambre.

O roteiro será circular dunha distancia de 8km aproximadamente.

Encontrarás máis detalles no seguinte enlace:

https://es.wikiloc.com/wikiloc/view.do?id=3676062

Organización da saída:

• Punto de encontro:
  • Hipercor de Santiago – porta principal
• Hora de saída:
  • Ás 10:00 hrs.(estaremos 15’ antes para organizar a saída)
• Para participar na saída é imprescindible apuntarse no blog do Club.
  • Data límite: ata o venres 28 de setembro.

____________________________________________

O club Só lles falta falar quere recordar que para asistir ás actividades é preciso ser socio e que o noso can teña realizada a proba do test de carácter. Máis información na web do club.

Un can non é a súa raza, é o carácter do individuo.

A euxenesia da época victoriana fíxonos crer que unha raza seleccionada daba individuos iguais.

Hoxe en día sabemos máis de epixenética e filoxenética que naqueles tempos.

Porqué os cans de calquera raza non son todos iguais?

Porque a xenética non son matemáticas.

Unha parte determinante da filoxenética ten que ver coas estratexias de supervivencia de cada especie.

A estratexia de supervivencia dos cánidos é a cohexión da manada, a lealdade á familia por riba de todo.

A interacción social dos cánidos determina que haxa individuos que ocupen distintos roles dentro da estrutura familiar.

Teñen que nacer individuos con características diferentes para ocupar os distintos roles. Isto é que pode haber poucas diferencias físicas, pero moitas conductuais.

A xenética dos cans ten como principal característica a de fixarse a eles en só 7 xeracións, isto da moitas variabilidades de aspectos físicos; e, dende os anos 70 do pasado século, coa popularización dos concursos de obediencia e probas de traballo, extendéronse na crianza, patoloxías conductuais beneficiosas para a consecución dos obxetivos das probas e concursos, pero isto tivo consecuencias moi negativas, sobre todo nas razas máis popularizadas.

A suma destes criterios de selección e crianza é o que temos hoxe en día.

Cómo sabemos se o canciño que queremos levar á casa está física e condutualmente sano? Un test de carácter é un repaso á súa xenética.

Coñecer as características de determinada liña xenética dentro de cada raza, fai que afinemos dentro da nosa elección: hai liñas de beleza, de traballo, mixtas, é necesario coñecer que taras e patoloxías transmite cada unha.

Cada individuo é diferente, se queremos saber cales van ser os seus parámetros condutuais só hai un xeito de sabelo: un test de carácter.

Ese cadeliño de dobermann será bo Defensor da casa? ou pola contra deixará entrar a calquera.

Dende as 9 semanas de vida do can pódese facer un test de carácter con resultados fiables para coñecer tendencias de carácter e descartar as patoloxías condutuais máis comúns e detectable en idade temperá.

Os test de carácter consisten en comprobar a resposta do can ante determinados estímulos nun tempo.

Están pensados e son axeitados segundo idades e as características que queremos coñecer e medir.

Non hai límite de idade para facelos.

Este é o único sistema de garantir como vai ser o can que queremos meter na casa.

Non todos os cans retriever son bos cans de familia, non todos os cans de pastor alemán poden defender a casa, cada individuo ten as súas cualidades, hai que ter información sobre o individuo antes de que decidamos que vai a formar parte da nosa familia.

Así saberemos como vai aprender, que podemos esperar del e non se lle pedirá o que non pode dar.

María Sabell Sierra

Especialista en conducta animal.

Ruta por Trazo

Este domingo 9 de setembro iremos ao Concello de Trazo.

O percorrido tocará en parte o río Tambre e con bastante sombra para paliar un pouco a calor que vai facer.

Será duns 9 km de largo e de dificultade media. No seguinte enlace do Wikiloc encontraredes máis información sobre o roteiro:

https://es.wikiloc.com/rutas-senderismo/ruta-slff-trazo-oa-5890576

Ah, podedes levar traxe de baño para darlle uso ao río Tambre.

Organización da saída:

• Punto de encontro:
  • Hipercor de Santiago – porta principal
  • Indicar os que ides ao Hipercor ou directamente ao punto de inicio
• Hora de saída:
  • Ás 10:00 hrs.(estaremos 15’ antes para organizar a saída)
• Para participar na saída é imprescindible apuntarse no blog do Club.
  • Data límite: ata o venres 7 de setembro.

____________________________________________

O club Só lles falta falar quere recordar que para asistir ás actividades é preciso ser socio e que o noso can teña realizada a proba do test de carácter. Máis información en http://www.cans.gal.