Arquivo para Novembro 2017

Para ter un can, haino que coller de pequeno?

A boa convivencia cun can, non ven determinada pola idade do mesmo, as estatísticas de agresión dentro da familia determinan que a maioría dos cans son levados ás casas en idade temperá.

Pola contra, aparece unha porcentaxe de agresións moito menor en cans de familia adoptados con máis dun ano.

Os informes dos hospitais, centros de saúde e dos profesionais da conduta animal desminten este mito.

É moi común considerar que se metemos na casa un cadeliño, sobre todo se vai ter máis de 20 kg, cando medre, poderemos dominalo.

A consideración de ter que “dominalo” en lugar de entendelo da lugar a esta crenza.

O que ocorre é que non entendelo supón que non se interpretan correctamente os seus comportamentos, ainda que o can os manifeste.

Mentres o canciño é pequeno e bebé, podemos exercer toda a presión que queiramos e o bebé parécenos moi gracioso ainda que xa teña comportamentos agresivos, non son interpretados como tales. É moi habitual que os canciños intenten calmarnos dándonos sinais de calma que non entendemos e non respetamos. Cando os sinais de calma non funcionan os cans pasan á agresión; á familia esta resposta agresiva sorpréndelle, parécelle que foi de repente, cando non foi así.

O canciño díxonos dende o primeiro momento como entendía a relación coas persoas.

Consideramos imprescindible entender “idioma can” para non chegar a ter problemas de convivencia; esta é a clave para entender porqué son menos os problemas de agresividade e convivencia da xente que colle cans de máis idade.

A decisión de coller un can adulto é máis habitual na xente que ten experiencia con cans, e mantén con eles relacións de entendemento, non de presión.

Antes de meter un can na casa fala con nós.

María Sabell Sierra.
Especialista en conducta animal.

Teixo 2

Advertisements

Deixar un comentario

Andaiana Apoio Pobo Saharaui

Este domingo 19 de novembro temos unha saída especial. Apoiaremos unha iniciaciva da asociación ‘Solidariedade Galega co Pobo Saharaui’ que consistirá nunha andaina pola ruta de Riamonte no Concello de Ames.

Os non socios de Só lles falta falar que queiran participar na saída terán que chamar a :

Marta : 646 32 06 60 ou Esther : 609 76 49 45

A inscripción son 5€ por adulto, 3 € por neno e 1€ por can no caso de levalo.

Para os socios de Só lles falta falar será suficiente apuntarse no Blog do Club, non é necesario chamar aos números indicados.

O pago da actividade realizarase no lugar da saída.

Andaina Pobo SaharauiOrganización da saída:

  • Punto de encontro:
    • Hipercor de Santiago – porta principal
  • Hora de saída:
    • Ás 10:00 hrs.(estaremos 15’ antes para organizar a saída)

____________________________________________

 

25 Comentarios